LA POESIA

Mi piaci 'u me' dialettu





Mi piaci 'u me' dialettu,
mi piaci, mi piaci,
mi piaci di quannu
avja du' anni
e me' matri m'annacava:
- Ninna vò,
ninna vovedda,
dormi, dormi, palummedda... -
Mi piaci di quannu 'u me' fratuzzu
risugliava li carusi nno'bagliu
gridannu: Picciò, nni mucamu ? -
Mi piaci di quannu
mi taffiava
cicaruna 'i latti
cu pani 'i casa minuzzatu
e sucameli 'i simula
ammargiati 'i sucu.
Mi piaci di quannu
qualcunu pi la strata,
passannumi vicinu
murmuriava:
- Ti spardassi di vasati, -
facennumi 'ncricchiari
'i quadanati.
E mi piaci puru ora
sparari 'nne' l'oricchi:
- Nun m'atturrari, -
a cu' lu cuètu
nun mi voli dari.
Mi piaci cantuniàri
a mala genti
sdivacannumi la panza
senza canniari li paroli.
Mi piaci, addimurari
'nna me' terra,
manciari a muzzicuna
a cu' la sparra
e farinni minnitta 'i cu' la nzunza.
E lu parlu sempri
'u me' dialettu,
lu cantu
a li timpi timpi caminannu
o nno' zarbatu,
circannu zarchiteddi
pi lu maccu
e vanniannu mentri
'nforza lu sciroccu:
- Fimmina sicula sugnu
e mi nni vantu ! - SPERO CHE VI PIACCIA.. ciau ciau ciau ciau ciau

Ma ssa liggi chi fa ?





- Arsa l'arma -
gridu,
- mmaliditti ! -
E maccicu feli
ca ncudduria vudedda
mentri campani
sprocchiano lamenti
ca chiancinu nnuccenti
e mazzamagghia godi
e guardazzucchi sparanu.
Intantu, la liggi azziccafrittuli
chi fa ?
Sparagna li castighi
e assigna 'u vitalizziu
a 'i cunfidenti,
scanciu d'addumari
catasti di lignami
pi jttaricci di bottu
a mala genti.
Nun ammula mannari
pi frappuliari mani, cori
e ciriveddi impagghiuccati,
nun 'ncatusa lu sangu
di ssa genti 'nta li fogni
sarbannu l'ossa
pi 'nsipalari munnizzara.
E lagrimuna 'i sangu
assuppanu a me' terra.

WOOOOOOOOOOOOOOW COMPLIMENTONIIIIIIIIIIII
SCRIVINE ANCORA NINO...LA POESIA CI RAGRUPPA IN
UN GRANDE CUORE CHIAMATO SICILIA...

QUANTU TI VOGGHIU BENI



Quantu ti vogghiu beni amuri

forsi non tu sacciu diri

ma senza tia passu mumenti niri

e troppu longhi parunu li uri.



Sì cchina sempri di ducizza assai

bedda comu la luna e dilicata

la vuci suadenti e 'nnamurata

di tia è sicuru non mi stancu mai.



Trasisti 'nta lu me cori pocu a pocu

profumata, comu 'nciuri ogni mumentu

e ci purtasti a luci du to sintimentu

si non ci fussi tu sarìa 'nto focu.



Sempri ti penzu e non mi fazzu vantu

ma ora sacciu chi non cè sulu 'u mali

picchì amu un'essiri spiciali.

Ma jò chi fici, ppi miritari tantu?

I VECCHI



Stanno dda, ‘nta chiazza

discutendu affannati, i mani

movunu comu ddi filosufi

chi spiegunu u sensu di la vita.



Davanti a casa, china

di ritratti ‘ncuddati,

scupunu muti a puvviri

du tempu, assemi

a pezzi di li sò ricoddi.



Nasciunu ‘nto menzu

‘e jochi di li niputeddi

e dopu morunu

quannu li figghi apprimurati

li salutunu appena.



Vaddatili senza fari rumuru,

senza suspirari, facendo battiri

cchiù chianu puru lu cori…

ddi vecchi semu nui.