Me nonnu Gianuzzu

E reci m'arrivo a chiamata,
a chiamata ri me frati Gianni :
"Sergiu', vieni subbitu rintra
ca c'è u nonnu ca sta mali!"
Mancu u tiempu i finiri a frasi
ca gia' era rintra,
unni c'ieranu figghi e niputa ca ravanu aiutu
e i duttura ch'i machinara.
Ma un ci fu nienti i fari,
era u Signuri ca su stava pi puittari.
U tiempu ca si spaissi a vuci n'o paisi
ca 'dda casa addivintò un via vai ri cristiani;
parieva 'na stazzioni ri servizziu, invec' ch'iera?
U zu Giannuzzu cuiccatu 'nta na cascia i lignu.
Na 'dda casa parieva ca c'abitava u re r'a foresta
unni tutti l'aimmali u vinievanu a truvari :
ranni e nichi, tinti e buona.
E uora ca lassò sula a reggina
un sacciu si c'è 'cchiù u rispiettu i prima!
Lassò quattru figghi, ru nuori e tri niputi,
e un vi ricu a tutti chiddi
c'amava cu u stiessu amuri!
A mia mi lassò u piitusu n'o cori,
ca u puozzu inchiri i lacrimi e duluri.
Ma chi staiu riciennu! Me nonnu un buoli!
E quindi u incu ri belli ricordi e amuri,
e tuttu chiddu ca m'inzignò unn'u miettu?
Ci vuoli n'avutru piitusu, ma no!
Iddu m'inzignò : "Fa un cucchitieddu,
c'appizzi un sacchitieddu e saibba tuttu in etieinnu!".